Dora e shtetit nuk shihet përtej urës së Ibrit që lidh qytetin e Mitrovicës së ndarë etnikisht.
Për pasojë, ka mbetur vetëm në letër vendimi i Ministrisë së Ambientit dhe të Planifikimit Hapësinor, për të rrënuar një mur të ngritur në hyrje të pjesës veriore, të banuar me serbë, shkruan sot Koha Ditore.
Bedri Halimi është kryeinspektor që punon në kuadër të kësaj ministrie. Ai ka konfirmuar se vendimi kërkon rrënimin e murit. Dokumentin ia ka prezantuar edhe kryetarit të Mitrovicës Veriore, Goran Rakiq.
Por Rakiq nuk e ka përfillur.
“Ky nuk është mur. Ky do të ridizajnohet për një amfiteatër të hapur, ku do të mbahen manifestime, kur projekti të ketë përfunduar”, është arsyetuar Rakiq. “Nuk mund të them më asgjë, derisa përfaqësuesit e BE-së do të përcjellin atë që kemi biseduar dje”.
Të premten, dy punëtorë të një kompanie ndërtimore nga Zveçani kanë punuar aty.
