Muhamet Hajredini lirohet nga akuza, ai kishte hedhur në shportë simbolet kombëtare

Arsimtari Muhamet Hajredinaj është shpallur i pafajshëm nga akuza për veprën penale “Nxitje e përçarjes dhe mosdurimit”.

Ai ishte ndjekur penalisht pasi dyshohej se kishte hedhur në shportën e mbeturinave plisin dhe flamurin kombëtar.

Sipas aktakuzës, Hajredinaj, në kohën kur punonte si mësimdhënës i gjuhës angleze në shkollën fillore “Xhemajl Mustafa” në Prishtinë, më 27 nëntor 2024, ditë kur në shkollë shënohej Dita e Flamurit, në prani të nxënësve kishte marrë flamurin kuqezi dhe plisin dhe i kishte hedhur në mbeturina.