Ministria e Arsimit, Shkencës dhe Teknologjisë është anëtarësuar në rrjetin shkollor evropian “European Schoolnet”.
Këtë e ka bërë të ditur vetë ministri i Ministria e Arsimit, Shkencës dhe Teknologjisë, Shyqyri Bytyqi.
Lexojeni të plotë njoftimin e ministrit Bytyqi për këtë sukese të ministrisë që ai drejton:
Pas përgjigjes pozitive të Komitetit drejtues të Rrjetit të Shkollave Evropiane për anëtarësimin e MAShT, fillimish si institucion observator, kemi nënshkruar një marrëveshje e cila ka për qëllim të kontribuojë në zhvillimin e të mësuarit teknologjik në shkolla.
Përfaqësuesit e rrjeti “European Schoolnet” do të kenë së shpejti një takim pune me zyrtarët e MAShT-it me ç’rast do të jepen udhëzime
për qasje në rrjetin European Schoolnet.
Marrëveshja e rrjetit European Schoolnet me vendet anëtare është nënshkruar duke marrë parasysh rezolutën e Këshillit të 6 majit 1996 (OJ Nr. C 195, 6.7.1996,) lidhur me softuerin multimedial arsimor në fushat e arsimit dhe trajnimit, si dhe Komunikimin (COM (96) 471 finale) nga Komisioni i Bashkimit Europian në Këshill, Parlamentin Europian, Komitetin Ekonomik dhe Social dhe Komitetin e Rajoneve, lidhur me Planin e Veprimit për një Iniciativë Europiane të Arsimit “Mësimi në Shoqërinë e Informacionit”.
