Ministri i Jashtëm i Tanzanisë viziton Kosovën me ftesë të presidentes Osmani

Me ftesë të Presidentes së Kosovës, Vjosa Osmani, sot në Kosovë ka mbërritur ministri i Jashtëm i Tanzanisë, Mahmoud Thabit Kombo.

Sipas njoftimit zyrtar të Presidencës, Ministri Kombo do të marrë pjesë në Forumin Ndërkombëtar për Gratë, Paqen dhe Sigurinë, i cili organizohet nën udhëheqjen e presidentes Osmani.

Pjesëmarrja e përfaqësuesit të lartë nga Tanzania konsiderohet si një dëshmi e mbështetjes ndërkombëtare për angazhimet e Kosovës në fushën e të drejtave të grave dhe paqes globale. /Telegrafi/