Ministri i Punëve të Brendshme, Flamur Sefaj, në emisionin Pressing të T7, ka thënë se janë duke mbledhur informatat se si e ka kaluar Marko Gjuriq kufirin për të hyrë ilegalisht në Kosovë.
Policia e Kosovës kreu sot një operacion në Veri të Mitrovicës duke arrestuar zyrtarin e lartë të Serbisë, drejtorin e të ashtuquajturës Zyra për Kosovë, Marko Gjuriq, i cili kishte hyrë në Kosovë edhe pse institucionet kosovare nuk i kishin dhënë leje.
Ministri i Brendshëm, Flamur Sefaj, po flet ekskluzivisht për ngjarjen e sotme, duke treguar për planin e arrestimit të Gjuriqit.
Sefaj ka thënë se janë duke marrë informata, por rëndësi kanë se institucionet kanë vepruar duke respektuar ligjët dhje Gjuriq është larguar nga territori i Kosovës.
“Informatat janë duke u koleksionuar. Nuk është e rëndësishme se si hyri, por është e rëndësishme se institucionet kanë ndjekur rrugën ligjore”, ka thënë ministri Sefaj. /Express/
