Miliarderi francez, François – Henri Pinault, do të dhurojë 100 milionë euro për rindërtimin e katedrales mesjetare Notre Dame në Paris.
Në një deklaratë të dhënë për gazetën franceze Le Figaro, një nga burrat më të pasur të Francës, shpreson që kjo shumë do të ndihmonte të rindërtohej plotësisht katedralja Notre Dame, e cila dje u përfshi nga zjarri gjigant.
”Dua ta ringjallë këtë xhevahir të trashëgimisë sonë sa më shpejt që të jetë e mundur”.
François –Henri Pinault është i martuar me aktoren e njohur Salma Hayek dhe është shef ekzekutiv i grupit Keing që zotëron markat e njohura si Gucci, Yves Saint Laurent dhe Alexander McQueen.
Ai po ashtu është kryetar i Artemis, kompani që kontrollon pasuritë e familjes Pinault.
Ekipet e zjarrfikësve të Parisit kanë njoftuar se katedralja 850-vjeçare u kaplua nga flakët pasditen e së hënës, dhe sipas autoriteteve zjarri ndërlidhet me renovimet që ishin duke u zhvilluar, njofton Klan Kosova.
