Profesori universitar, Milazim Krasniqi ka reaguar përmes një statusi, pasi Albin Kurti u penguar gjatë vizitës së tij së bashku me Vjosa Osmanin, në Veri të Mitrovicës. Krasniqi tha se kjo nderhyrje e serbëve deshmon se paqen në Kosovë e ruan KFOR-i, ndërkaq politikanët tanë tentojnë të ja nxjerrin sytë njëri tjetrit, por e vërteta është se këta politikanë nuk mund ta trembin macen nga përsheshi, shkruan Drenica Press.
Milazim Krasniqi tutje shton se: “Paqja ushtarake” u dëshmua edhe sot në veri, ku nuk janë lejuar të shkojnë Albin Kurti e Vjosa Osmani. Do të ndaloheshin edhe të tjerët, po të shkonin. Prandaj insistoj që të mos shesin çallëm asnjeni, sepse Kosova si problem sigurie mirëmbahet nga KFOR e edhe nga policia e UNMIK-ut në veri. Edhe ky incident tregon se sa fals janë politikanët tanë, duan t’ia nxjerin sytë njëri tjetrin, ndërsa nuk mund ta trembin as macen prej përsheshit. Veç shikojeni flamurin serb në prapavijë, ju trimosha të fejsbukut! Më saktë, ju fundërrina!
