Në çështjet kulturore dhe sociale, kisha nën drejtimin e Kirill ka bashkëpunuar shumë me shtetin rus të Vladimir Putin dhe Kirill ka mbështetur zgjerimin e fuqisë ruse në Krime dhe Ukrainën lindore.
Vladimir Mikhailovich Gundyayev është emri laik i Kirill, Patriarkut të Moskës dhe të gjithë Rusisë, një figurë mjaft e njohur jo vetëm brenda Rusisë dhe e lakuar shpesh nga mediat për kontradiktat që ai ka krijuar.
Kirill lindi në nëntor 1946 në një familje fetare dhe në të njëzetat u angazhua në jetën e kishës duke ngjitur shkallët e hierarkisë së saj, por vetëm pas viteve ‘90 do të ngrihej fama e tij.
Para se të bëhej patriark në shkurt 2009, Kirill shërbeu si arqipeshkv dhe më vonë Metropolit i Smolenskut dhe Kalinigradit, si edhe kryetar i departamentit të kishës ortodoske për lidhjet e kishës me jashtë, shkruan Tch.
Në këtë post Kirill shkaktoi edhe polemikat e para, pasi mori nofkën “Metropoliti i duhanit” dhe u akuzua nga mediat se kishte fituar miliona duke shfrytëzuar të drejtën që ju dha kishës për të importuar cigare pa taksa në vitet ‘90, asgjë e provuar deri më sot.
Kirili u përball ashpër me krahun konservator të Kishës Ortodokse ruse që e akuzuan se po afrohej me Kishën Katolike, megjithatë në 2016-n ai u bë patriarku i parë i Kishës ruse që u takua me një papë, pikërisht Papën Françesku.
Në çështjet kulturore dhe sociale, kisha nën drejtimin e Kirill ka bashkëpunuar shumë me shtetin rus të Vladimir Putin dhe Kirill ka mbështetur zgjerimin e fuqisë ruse në Krime dhe Ukrainën lindore.
Një nga komentet më të njohura të Kirili është ai për të drejtat e njeriut, të cilat i cilësoi herezi dhe në kundërshtim me Biblën, megjithëse nuk sqaroi se cilat të drejta të njeriut ai kundërshtonte.
