Mësohet pse u rrahën dy zyrtarët policor
Rrahja mes dy policëve në Veri të Mitrovicës mbrëmë pasmesnate, mësohet se ka ndodhur derisa të dy zyrtarët ishin të dehur. Kështu mëson Gazeta Metro nga burimet e saj brenda Policisë, të cilët shtojnë se policët që u rrahën janë Predrag Bogosavljevic dhe Zoran Petrovic.
Lajmin më herët e ka konfirmuar për Gazetën Metro edhe zëvendës drejtori i Policisë së Kosovës në veri të Mitrovicës, Besim Hoti, cili tha se të dy personat i takojnë përkatësisë etnike serbe.
Hoti shtoi se asnjëri nga ta nuk janë pjesë e policisë rajonale të veriut, por të rajoneve tjera, por megjithatë ngjarja ka ndodhur në veri.
Siç tha ai , njëri prej tyre ka marrë lëndime të rënda trupore( Predrag Bogosavljevic) dhe i njëjti gjendet për tretman mjekësor në spitalin e veriut të Mitrovicës.

Lexo edhePlas skandali në Gjermani për letrat e azilit
“Njërit prej policëve i është thyer hunda, ndërsa rasti është duke u hetuar si sulm ndaj personit zyrtar”, ka thënë Hoti.
Hoti po ashtu theksoi se Policia dhe inspektorati po merren me rrethanat e këtij rasti.


