“Ajo në M – rruga drejt hipokrizisë dhe solidaritetit“ është aksion i organizatës joqeveritare “Aqua” nga Struga, anëtarët e të cilës me një automjet të tipit mercedes, të blerë për 500 euro do të udhëtojnë nëpër Maqedoni dhe do ti pyesin qytetarët nëse kanë dëgjuar për një “mercedes tjetër prej 575.000 eurosh, njofton Meta, transmeton Telegrafi Maqedoni.
„Jemi të nxitur nga temat e bisedave telefonike midis ministres për punë të brendshme dhe kryeministrit, lidhur me blerjen e “Mercedes Maybach” me vlerë prej 575.000 euro, vendosëm edhe ne të blejmë një mercedes dhe ta brendojmë me emrin “Ajo në M” (kodi që e përdor kryeministri kur pyet për mercedesin“, thuhet në sqarimin e kësaj organizate.
Ky aksion i pazakontë pritet të fillojë kah fundi i këtij muaji.
