Ministria për Punë, Familje dhe Vlerat e Luftës Çlirimtare sot në Ditën Ndërkombëtare të Familjes ka ndarë një mirënjohje për gazetarin e lajmi.net, Selim Miftari.
Gazetari Miftari e mori këtë mirënjohje për raportimin e tij që e pati në lidhje me Arianit Sllamnikun, që pretendonte se e trajtonte spektrin e autizmit tek fëmijët me preparate të dyshimta, transmeton lajmi.net.
Çmimin Miftarit ia dha Liridon Llozani, Këshilltari për Media i ministrit Andin Hoti.
“Selim Miftari është tjetër gazetar që njihet për punë hulumtuese. Shpesh sjell në publik probleme që shumë vërehen, por pak flitet për to. Fal raportimit të Selim Miftarit dhe disa mediave tjera pas tij, ka pasur reagim institucional dhe të organeve të drejtësisë ndaj një personi jokompetent, i cili dyshohet se privatisht kryente trajtime të dyshimta për fëmijët me spektrin e autizmit. Pa licencë mjekësore, me preparate që nuk ishin adekuate për këtë trajtim. Prandaj mirënjohja shkon për gazetarin Selim Miftari edhe me ftesën që të vazhdoj angazhimin e tij si gazetar.”, tha ai./lajmi.net/
