Luftëtari i UFC Rodrigo “Monstro” de Lima vritet në Brazil

Ish-luftëtari i UFC Rodrigo de Lima është vrarë pasi e ka përplasur makina e një taksisti, me të cilin pati një mosmarrëveshje, në Belem të Brazilit.

Luftëtari i peshës Welter Michel Prazeres është shprehur për MMA Fighting se 26-vjeçari Lima ishte në taksi me disa miq kur filloi zënka me shoferin.

Shoferi thuhet të ketë ndalur makinën, vazhdoi konfrontimet me luftëtarin, u largua dhe u rikthyer për ta përplasur me makinë. De Lima ishte i martuar dhe kishte dy fëmijë.

Sipas raporteve policia është akoma në kërkim të shoferit.