Boksieri shqiptar, Robin Haxhi Krasniqi, e ka fituar titullin e kampionit të Evropës EBU pasi e mposhti rusin, Stanislav Kashtanov, në një meç të zhvilluar të shtunën mbrëma në Gjermani.
Robin Krasniqi, i njohur më mirë si Haxhi Krasniqi, dominoi duke i dhënë goditje të forta kundërshtarit të tij pothuajse në çdo rund të zhvilluar, shkruan Drenicapress.info.
Ramiz Lladrovci në një status në Facebook është shprehur shumë i lumtur që haxhi Krasniqi është shpallur Kampion Evrope.
“Sonte, Haxhi Robin Krasniqi, në meçin e vlefshëm për kampion të Evropës në kategorinë super të mesme, me përgatitjen e vet dhe vullnetin për fitore, rikonfirmoi se ne sportet luftarake janë zonë e jona e rezervuar e suksesit. Kënga Kuq e zi, i dha vrull fitores dhe shpirt gatishmërisë së Krasniqit edhe për titullin kampion i botës.Atmosferë e jashtëzakonshme. Fitore e merituar. Të duam kampion bote. Urime dhe suksese, Haxhi Robin Krasniqi!” ka shkruar Lladrovci./Drenicapress.info
