Lëvizja Vetëvendosje përmes një postimin në faqe zyrtare në Facebook, ka kritikuar ashpër vendimin e Qeverisë Haradinaj për rritjen e pagave, raporton Gazeta Blic.
Në shkrimin e Vetëvendosjes thuhet se, çdo cent i ministrave është cent i munguar në listën e barnave, ushqimin dhe lodrat në çerdhe dhe centin e babës e nënës që nuk i del muaji për bukë, rrymë, ujë s’e për libra jo se jo.
Në mënyrë vizuale është bërë krahasimi i pagave që merr një kirurg, mësues e zjarrfikës në Republikën e Kosovës me ato të qeveritarëve, theksojmë këtu që të tria profesione janë të vështira.
Njoftimi i plotë i LVV-së:
Brutaliteti i vendimeve qeveritare kryesisht me përfitimet për veten i ka kaluar të gjitha skajet. Nuk i ka mjaftuar kapja e të gjitha bordeve të të gjitha ndërmarrjeve më strategjike të vendit. Nuk mjaftojnë as kontratat e paligjshme dhe paratë që po i marrin nëndorë iu deshën edhe këto direkt nga buxheti i shtetit.
Çdo cent ministrave është cent i munguar në listën e barnave, ushqimin dhe lodrat në çerdhe dhe centin e babës e nënës që nuk i del muaji për bukë, rrymë, ujë s’e për libra jo se jo.
Gjatë ditës së sotme, Lëvizja Vetëvendosje ka dorëzuar kallëzim penal kundër ngritjes së pagave nga Qeveria e Kosovës.
“Lëvizja Vetëvendosje! nëpërmjet deputetes Albulena Haxhiu dorëzon Kallëzimin Penal për vendimin e rritjes së pagave nga Qeveria e Republikës së Kosovës”, thuhej në njoftimin e Vetëvendosjes.
Edhe Agjencia Kundër Korrupsionit ka konstatuar se ngritja e pagës së Kryeministrit Ramush Haradinaj dhe vartësve të tij është në konflikt të interesit edhe pas vendimit të Gjykatës Kushtetuese të Kosovës.
/GazetaBlic/
