Prej kohësh pjesa më e madhe e kompanive ajrore nuk fluturonin mbi Siri, sidomos në zonat që administroheshin nga ISIS duke përdorur korridoret jugore që ishin nën kontrollin e forcave të Asad, por njoftimi i Eurocontol ka bërë që hapësira ajrore e shtetit arab të shmanget
Nga pamjet live të itinerarit të avionëve në qiell të siguruara prej “flightradar” duket se askush nuk fluturon sot mbi qiellin sirian në pritje të një sulmi me raketa nga SHBA-të ndaj regjimit të Asadit për shkak të helimit me gaz të civilëve në Douma.
Siç duket edhe nga pamjet, avionët zgjedhin të kalojnë përmes veriut nga Turqia apo jugut nga izraeli dhe Jordania për në destinacion duke shmangur hapësirën ajrore të Sirisë.
Më parë, një pjesë e kompanive ajrore kishin zgjedhur të përdornin edhe korridorët jugorë të Sirisë, që cilësoheshin si zona të qeta, por tani kanë shmangur edhe ato.
