Një tjetër ngjarje ka ndodhur në zonën e Shkodrës. Pas plagosjes së një biznesmeni në Darragjat, pasditen e sotme një 32-vjeçar është qëlluar me armë në Kamenicë të Malësisë së Madhe.
Sipas burimeve të policisë, 32-vjeçari me inicialet Y. B., është plagosur nga dy personat, të cilët janë shpallur në kërkim.
I plagosuri është dërguar në spital, ku është jashtë rrezikut për jetën.
Sipas policisë, dy personat autorë të plagosjes janë me inicialet L. H., 42-vjeç dhe L. H., 48 vjeç. Ende nuk ka detaje në lidhje me shkaqet e ngjarjes.
Njoftimi i Policisë së Shkodrës:
Informacion Paraprak
Me datë 05.05.2018, në orë 15:00, jemi njoftuar se në fshatin Kamicë, Malësi e Madhe, është plagosur me armë zjarri shtetasi Y. B, 32 vjeç, banues në fshatin Kamicë, Malësi e Madhe.
Menjëherë janë vënë në lëvizje të gjitha shërbimet e policisë duke rrethuar zonën ku kanë bërë të mundur identifikimin dhe po punohet për kapjen e autorëve, shtetasit L. H 42 vjeç, dhe L. H. 48 vjeç (vëllezër).
Shtetasi Y. B, ndodhet në Spitalin Rajonal Shkodër, jashtë rrezikut për jetën.
