Sot, në Sallën e Kuvendit të Komunës së Drenasit u mbajt ceremonia e ndarjes së çertifikatave nga përfaqësuesit e IPK (Institutit Pedagogjik i Kosovës), Selim Mehmeti, Lirie Bytyqi dhe Gani Gajraku si dhe Drejtori i DKA-së, Tafil Halilaj dhe Pedagogia në DKA, Arbesa Dobra, në lidhje me projektin “Vështirësitë në shkrim dhe lexim te nxënësit e Arsimit Fillor”.
Projekti është realizuar në tri shkolla të Komunës së Drenasit, me kërkesën e Drejtorisë së Arsimit në Drenas në bashkëpunim me IPK, gjatë vitit shkollor 2016/2017, ku është ofruar mbështetje profesionale për mësimdhënësit dhe atë në: Identifikimin e vështirësive të nxënësve në shkrim dhe lexim; si dhe përkrahjen e mësimdhënësve në tejkalimin e vështirësive të nxënësve në shkrim dhe lexim.
Qëllimi dhe objektivat e projektit janë përmbushur dhe kanë rezultuar me sukses.
Shkollat të cilat u çertifikuan janë:
SHFMU “Migjeni” Baicë
SHFMU “Gani Elshani” Krajkovë
SHFMU “Shaban Polluzha” Korroticë e Epërme.
