Lajm i mirë për banorët e Drenasit dhe Skenderajt, kjo rrugë bëhet e kalueshme |Foto

Një lajm i mirë vije për banorët e Drenasit dhe Skenderaj. Rruga e cila mundëson lidhjen e fshatrave të dy komunave është bërë e kalueshme për makina, njofton Drenica Press

Bëhet fjalë për rrugën nga fshati Likoc i Ri i komunës së Skenderaj, apo siç njihet ndryshe në gjuhën e popullit ‘zastoja e Bezhenikut’ me fshatin Abri e Epërme të Drenasit. Duke krijuar mundësi për të lidhur fshatrat e dy komunave, si rrugë alternative.

Firma e cila është marrë me rregullimin e kësaj rrugë është NN “Shkëmbi”, e kontraktuar nga komuna e Drenasit. Fillimishtë është shtruar me zhavor, ndërsa më vonë pritet të shtrohet edhe me asfalt.

Kjo rrugë është e një rëndësie të veçantë, pasi në atë pjesë ka qenë koridor i rëndësishëm dhe baza e njësisë speciale të UCK’së. /DRENICA PRESS/