Ambasada e Shteteve të Bashkuara të Amerikës në Tiranë ka bërë ditën e sotme një lajmërim të rëndësishëm për të gjithë të rinjtë e lindur nga 1 janari 2002 deri në 15 korrik 2004, të cilët kanë rezultate të mira në shkollë.
Sipas një lajmërimi të bërë në faqen zyrtare të ambasadës thuhet se programi YES u ofron nxënësve mundësinë për të jetuar dhe për të studiuar në një shkollë të mesme në SHBA, për një vit, falas.
Lajmërimi i plotë i Ambasadës Amerikanë në Shqipëri:
Jeni në klasën e 10-të ose të 11-të në shkollë të mesme? Keni rezultate të mira në shkollë? Jeni lindur nga 1 janari 2002 deri më 15 korrik 2004? Programi YES, financuar nga Departamenti Amerikan i Shtetit, u ofron nxënësve të shkollave të mesme në Shqipëri mundësinë për të jetuar me një familje amerikane dhe për të studiuar në një shkollë të mesme në Shtetet e Bashkuara për një vit — pa pagesë! Mësoni se si mund të aplikoni ? https://goo.gl/h4XB9m
