Aksidenti me fatalitet në fshatin Runik të Skenderajt që ndodhi gjatë mbrëmjes së djeshme ka tronditur Skenderajn, ku një person humbi jetën, ndërsa katër persona kanë mbetur të lënduar, shkruan Drenica Press.
Avni Zahiti zëdhënësi i Policisë së Kosovës, rajoni Mitrovicë për portalin Drenica Press tha se “Mbrëmë rreth orës 19:00, në rrugën rajonale Mitrovicë-Pejë, gjegjësisht në fshatin Runikë, ka ndodhur një aksident trafiku me lëndime të rënda trupore, ku janë përfshirë dy automjet me targa vendore.
Si pasojë e aksidentit, lëndime trupore kanë pësuar dy drejtuesit e automjeteve si dhe tre pasagjeret. Dy nga të lënduarit janë dërguar në QKUK për tretman mjekësor, Ndërsa sot në ora 03:18 të datës 18 janar 2020, nga QKUK është raportuar se i lënduari viktima F .I., 41 vjeçar, nga lëndimet e pësuara ka ndërruar jetë.
Me urdhër të prokurorit kujdestar, trupi i pajetë i viktimës është dërguar në Institutin Mjekësisë Ligjore./DRENICA PRESS/
