Tafil Tafallari, vdiq sot si pasojë e një aksidenti derisa po punonte në ndërtimin e autostradës Prishtinë – Shkup, “Arbën Xhaferi”.
41 vjeçari, i cili ishte punëtorë i kompanisë “Bechtel – Enka” u aksidentua me një automjet pune, nga kolegu i tij 24 vjeçar, i cili tashmë është në mbajtje, raporton ndertimi.info
“Cisterna e ujit u afrua me i mbush ato bazenat e ujit ku pinë punëtorët ujë. Kamioni ka rrëshqit, sepse mbrëmë kishte rënë shi dhe ka qenë vendi i lagët. Më vjen keq po kjo është jeta në Kosovë që edhe nëpër shi na kanë shti me punu e na kanë rreziku jetën”, ka thënë një mik i tij në kushte anonimiteti.
E një fotografi e siguruar nga Ndërtimi.info nga vendi ku ka ndodhur vdekja, paraqet cisternën që ishte fatkeqe për Tafallarin.
