Koloneli i Policisë së Kosovës, Nexhmi Krasniqi, është arrestuar gjatë një aksioni të përbashkët të Prokurorisë Themelore në Prizren dhe Inspektoratit Policor të Kosovës (IPK), të zhvilluar në katër lokacione të ndryshme në qytetin e Prizrenit, bëjnë të ditur burime të IndeksOnline.
Krasniqi është njëri nga katër personat e ndaluar, për të cilët ekziston dyshimi i arsyeshëm për përfshirje në veprat penale të detyrimit dhe shmangies nga tatimi.
Sipas IPK-së, hetimet po vazhdojnë në terren në koordinim të ngushtë me Prokurorinë, me qëllim të zbardhjes së plotë të rastit dhe grumbullimit të provave relevante. Si pjesë e procedurës administrative, IPK ka rekomanduar edhe suspendimin e kolonelit Krasniqi nga detyra.
Në njoftim theksohet përkushtimi i institucioneve të zbatimit të ligjit për bashkëpunim ndërinstitucional dhe luftën pa kompromis ndaj çfarëdo forme të krimit, përfshirë edhe atë të kryer nga zyrtarë publikë.
