Pas përfundimit të rivotimit në komunën e Istogut, Komisioni Qendror Zgjedhor ka publikuar edhe rezultatet ku fitues doli të jetë kandidati i Aleancës për Ardhmërinë e Kosovës, Gani Dreshaj.
Dreshaj arriti që me 52 vota më tepër të fitoj duke lënë pash kundërkandidatin e tij, Haki Rugova.
Në bazë të këtij rezultati del që kandidati i AAK-së, Gani Dreshaj ka fituar 10 mijë e 241 të votave ndërsa kundërkandidati i tij, Haki Rugova, 10 mijë e 189 vota.
Ndërsa në vendin e Dreshajt, si deputet i Kuvendit të Kosovës do të jetë kandidati i PDK-së në zgjedhjet e qershorit, Rafet Rama.
Rama në bazë të votave të mbledhura posedon të drejtën e rreshtimit në legjislaturën e PDK-së në Kuvendin e Kosovës.
Rafet Rama kishte arritur që në zgjedhjet e qershorit të mbledhë gjithësej 8 mijë e 821 vota.
