Kandidati i VV-së për kryeministër të vendit Albin Kurti së bashku me profesor Rexhep Qosjen kanë vizituar sot veprimtarin kosovar Adem Demaçin.
Kurti përmes Facebook-ut ka vlerësuar lartë figurat e Qosjes dhe Demaçit, duke thënë se ‘qartësia dhe thellësia e mendimit dhe dijes së tyre frymëzon si ngahera, pavarësisht kohërave dhe moshës së tyre.
Postimi i Kurtit
Sot në mëngjes ishim në vizitë te Baca Adem Demaçi me Prof. Rexhep Qosjen. Qartësia dhe thellësia e mendimit dhe dijes së tyre frymëzon si ngahera, pavarësisht kohërave tona e moshës së tyre. Baca Adem i dha pamatshëm shumë Kosovës dhe shqiptarëve. Dhe, sot, me entuziazëm të paepur porosit: Përpara!
