Kur do tërhiqesh nga politika? Berisha jep përgjigjen epike

Në një emision që zgjati më shumë se dy orë, ish-kryeministri Sali Berisha nuk i shpëtoi as pyetjes së famshme se kur do të largohet nga politika.

Dhe për të gjithë ata që e pëlqejnë Berishën, ka një lajm të mirë, pasi ish-kryeministri dhe presidenti i vendit nuk ka ndërmend të heqë dorë kollaj.

“Një orë para se i Plotëfuqishmi të më marrë frymën e fundit”, iu përgjigj Berisha pyetjes direkte për largimin, duke lënë të nënkuptohet se tërheqja nga politika nuk është fare në planet e tij.

Berisha ka qenë tejet energjik gjatë emisionit, ku dominoi tërësisht mbi gazetarës, madje në një moment u ngrit nga vendi i tij për të shpjeguar grafikët e largimit të shqiptarëve në monitor.