BBC –Frank Gardner, – Në një farë mënyre, kërcënimi i Presidentit Donald Trump ndaj Iranit për “fundin e qytetërimit”, i postuar në llogarinë e tij Truth Social, është edhe më tronditës se ai i mëparshmi që ishte i pasur me fjalë të pahijshme jo-presidenciale.
Të sugjerosh, qoftë edhe si një bllof, se “një qytetërim i tërë do të vdesë sonte” është të ftosh krahasime me ata që kanë kërkuar të shkatërrojnë mbetjet e qytetërimeve të mëdha të Lindjes së Mesme më të gjerë.
Talebanët hodhën në erë statujat gjigante prej guri të Budës së shekullit të 6-të të Bamiyanit, dhe ISIS shkatërroi pjesë të qytetit të shekullit të 2-të të Palmirës.
A po planifikon Donald Trump të hyjë në histori si njeriu që bombardoi mbetjet e paçmuara të qytetërimeve të tij të lashta të Iranit, si rrënojat e Persepolisit? Apo vendin e Trashëgimisë Botërore të UNESCO-s, Xhaminë e Premtes në Isfahan?
Edhe Vladimir Putin, në luftën e tij të egër kundër Ukrainës, i ka kursyer kupolat e arta të katedraleve të Kievit.
Edhe nëse presidenti amerikan po e përdor termin “qytetërim” lirshëm, duke nënkuptuar infrastrukturën civile si urat dhe termocentralet, kjo prapëseprapë rrezikon të klasifikohet si krim lufte.
Por kjo, thonë avokatët, është një zonë gri, pasi çdo gjë që mund të provohet se ka një rol ushtarak nuk i përshtatet përkufizimit të një krimi lufte.
