Anëtari i Komisionit për Punë të Jashtme, Enver Hoxhaj, e ka pyetur ministrin e Jashtëm, Glauk Konjufca, se si bashkëpunon ai me shtatë ambasadorët që e ka kërkuar shkarkimin e tyre.
Konjufca thotë se vetëm në 24 orët e fundit ka folur dy herë në telefon me ambasadoren e Kosovës në Uashington, e cila ishte në listën e atyre që ministri kërkon të tërhiqet nga misioni.
“Kam folur dy herë në telefon në telefon vetëm dje me z. Çitaku. Vetëm 24 orët e fundit”, ka thënë Konjufca, transmeton Gazeta Express.
“Ajo m’i ka shpjeguar të gjitha ato që po ndodhin. Nëse mbyllet takimi [për gazetarë], mund të ju shpjegoj në detaje se cka është folur”, ka thënë Konjufca.
Tutje, Konjufca thotë se Citaku e ka kuptuar frymën e ligjit dhe ka pranuar të kthehet.
“Desha t’ia japë një mirënjohje ambasadores tonë në Uashington. Për arsye se ajo e ka kuptuar ligjin, ashtu sic e shpjegova unë. Është e vetmja që ka reaguar dhe ka thënë se do të kthehet. E ka lexuar në frymën e saktë ligjin”, është shprehur ministri i Punëve të Jashtme. /Express/
