Mbledhjen e radhës e udhëhoqi Kryesuesi i Kuvendit Ismet Salihu, në të cilën u diskuatuan dy çështje kryesore; Plani i punës i Kuvendit për vitin 2017 dhe Plani vjetor i Ekzekutivit për vitin 2017.Anëtarët e Komitetit për Politikë e Financa diskutuan dhe i rekomanduan Kuvendit Planin e punës për vitin 2017.
Planin e punës së Ekzekutivit për vitin 2017 e prezentoi Nënkryetari i Komunës së Skenderajt Fadil Nura. Ai theksoi se Plani është punë e përbashkët e të gjithë drejtorëve dhe paraqet objektivat e Komunës për vitin 2017, në harmoni me buxhetin e miratuar për vitin 2017.
Z. Nura tha se Plani i punës për vitin 2017 është i fokusuar në projekte të rëndësishme dhe aktivitetet sektoriale të realizueshme.
Anëtarët e KPF-së diskutua për Planin vjetor të Ekzekutivit dhe të njejtin ia rekomanduan Kuvendit komunal për seancën e radhës.
Në mbledhjen e KPF-së përveç anëtarëve të tij, morën pjesë edhe drejtorët e drejtorive komunale dhe përfaqsuesi i OSBE-së.
