40 vjeçarja nga Tropoja, Valbonë Marku Nrecaj është gruaja që u vra mbrëmë nga ish burri i saj, Pjetër Nrecaj. Viktima dhe i dyshuari kishin muaj që ishin ndarë, ndërsa kishin pesë fëmijë.
Ngjarja ka ndodhur mbrëmë në fshatin Bretkoc të Komunës së Gjakovës, shkruan Gazeta Express
Mbrëmja e 7 korrikut ishte e kobshme për familjen Marku të Gjakovës. Atë natë atyre iu vra e bija Valbona, dhe vajza e saj 9 vjeçare nga ish burri i saj, Pjetër Nrecaj.
Valbona ishte me prejardhje nga rrethi i Tropjës ndërsa kishte ardhur të jetonte në Gjakovë pas luftës. Ndonëse ishte e martuar me Pjetërin dhe kishin gjashtë fëmijë së bashku, dhuna që kishte ushtruar Ndrecaj ndaj saj kishte bërë që ajo të shkonte të jetonte te shtëpia e familjes së saj.
Në korridorin e po kësaj shtëpie, Kryefamiljari Pjetër Nrecaj dyshohet se me kallashnikov ka vrarë gruan dhe vajzën e tij për arsye ende të panjohura.
Valbonës kishte kohë që i vinin kërcënime nga ish burri. Madje, për këtë rast ishte njoftuar edhe Policia dhe kishte hapur rast, por që nuk kishin arritur të parandaloin vrasjen.
