“Dita kur mbylla marrëveshjen ishte një nga ditët më të bukura të jetës sime.”
Kështu ka thënë drejtori sportiv i AC Milan, Igli Tare.
I ftuar në emisionin “Giorgia’s Secret” në DAZN, një program që eksploron anën njerëzore dhe autentike të yjeve të futbollit, Tare po ashtu vlerësoi rëndësinë e të bërit histori në këtë ekip.
“Për të qenë pjesë e AC Milan, duhet t’u rikthehesh fitoreve. Këtu duhet të lësh gjurmë” tha ai.
Duke folur për Rafael Leao-n, Tare shtoi se “ai ka një potencial të jashtëzakonshëm; siç thotë edhe Modriç, ai as nuk e kupton dot sa i fortë është”.
Së fundmi, sa i përket marrëdhënies së tij me Zlatan Ibrahimoviç, ai theksoi: “Ne jemi dy ballkanas, ia themi gjërat njëri-tjetrit troç në sy”.
- Advertisement -
