Aida Dërguti i kishte kërkuar Albin Kurtit që të mos kandidonte për Kryeministër në zgjedhjet e qershorit.
Një gabim në grupin e Viberit ka shpërfaqur përplasjet e forta brenda partisë së drejtuar nga Visar Ymeri.
Pyetja e Dërgutit që po i drejtohej Molliqajt vërteton atë që në Vetëvendosje ishte sekret publik – ndarjen në dy kampe, me pikërisht Molliqajn në krye të grupit kundër Kurtit.
Ky grup sipas KTV i kishte kërkuar në formë sugjerimi Kurtit që të mos garojë për kryeministër në zgjedhjet e qershorit, pasi që besonte se nuk do të merrte përkrahje.
Rreshtimi i Dërgutit me Molliqajn lidhet edhe me refuzimin e saj për të kandiduar për kryetare të Vushtrrisë.
Dërguti ishte ankuar për probleme shëndetësore, duke refuzuar insistimin e Ymerit e Kurtit për të qenë ajo kandidate për qytetin e saj.
Deputetja e VV’së në grupin e bisedave të Vetëvendosjes ku është dhënë lajmi se është arrestuar Donika Kadaj, e kishte pyetur nëse është arrestuar Albini, duke thënë “E ate mutin?”.
Albin Kurti bashkë me Donika Kadajn, po mbahen në paraburgim për hedhjen e gazit lotsjellës, akt që e kishte bërë edhe Aida Dërguti në disa raste në Kuvend.
Kjo parti arriti të fitonte më së shumti deputetë në Kuvend në zgjedhjet e qershorit.
