Gjatë fushatës zgjedhore Ramiz Lladrovci pati premtuar investime të shumta në infrastrukturën rrugore nëpër fshatra. Këtë po e bën nga posti i të parit të Drenasit, pasi Lladrovci ka nënshkruar një sërë marrëveshjes me qeverinë për financimin e disa rrugëve në komunën e Drenasit, përcjell Drenicapress.
Këtë fat të tillë e kanë edhe banorët e fshatit Fushticë e Ulët të cilët këtë vit do të bëhen me rrugë të re. Për asfaltimin e rrugës në këtë fshat janë siguruar 80 mijë euro nga Ministria e Infrastrukturës.
Drenicapress merr vesh se komuna së shpejti do të shpallë tenderin për asfaltimin e rrugës në fshatin Fushticë e Ulët./Drenicapress.info/
