Iniciative Qytetare “Dyzetenjëmijë” e themluar para pak ditësh në Skenderaj, ka bërë publike emrat që do të jenë kandidat për Asamblenë e Kuvendit Komunal të Skenderajt, transmeton Drenica Press.
Malsor Bejta që njëherit është edhe i pari i Inicativës Qytetare “Dyzetenjëmijë” ka bërë publike emrat e gjithë kandidatëve.
Malsor Bejta me këtë rast tha se “I.Q Dyzetenjëmijë ka lindur si pasojë e abuzimit të skajshëm në qeverisjën lokale në komunën tonë. Mungesa e transparencës, llogaridhënies dhe mungesa e përfaqësimit dinjitoz na ka shtyer të marrim këtë hap. Synimet tona janë të qarta: duam një qytetari aktive, dhe një vetdijësim të gjithëmbarshëm përmes frymës institucionale. Duam të tregojmë që në këtë vend ne egzistojmë, andaj, nuk na mjafton vetëm rrahja e pulsit, por duhet t’jemi të vendosur të marrim përgjegjësi për të ardhmen tonë dhe brezave që vijnë. Thjeshtë duam ta potencojme që ne EKZISTOJMË!
E mira në mesin tonë egziston veç duhet vullnet, punë dhe dashni e madhe ndaj vendit, në mënyrë që Ekzistenca jonë të bëhet normale, e jo mbijetesë!”
Në këtë listë të bie në sy se në mesin e shumë kandidatëve të kësaj iniciative janë kryesisht persona me profesione artistësh; si: këngëtar, skulptor, sportist e profesione të tjera, që më një frymë të re synojnë të sjellin ndryshim në Skenderaj.
Portali Drenica Press më poshtë ju sjellë listën e plotë:
