I mandatuari për kryeministër, Albin Kurti, ka prezantuar të gjithë kabinetin me të cilin mendon të qeveris nga sot.
Ai para deputetëve dha 15 emra të ministrave dhe dy zëvendëskryeministrave, shkruan Reporteri.net.
E në këtë kabinet, vendi është ndarë edhe për dy deputetë serbë, e cila gjë kërkohet edhe me Kushtetutën e vendit.
Nëse votohet Qeveria Kurti, kryeministri i ardhshëm do të ketë në ekip Dalibor Jevtiqin dhe Ivan Millojeviqin nga Lista Serbe.
Këto dy emërime erdhën pas shumë polemikave, pasi Albin Kurti nuk pranoi koalicion me Listën Serbe por vetëm u ofroi poste ministrore.
Sidoqoftë, kur po zhvillohet debati në Kuvend, akoma nuk ka ardhur koha për të parë nëse këta ministra do të pranojnë të jenë në Qeveri.
Vlen të theksohet se në Qeverinë Kurti do të jetë edhe një ministre nga komunitetet. Bëhet fjalë deputeten shumëvjeçare Emilia Recepi./Reporteri.net.
