Portugalia po përballet me ndërprerje të rënda të transportit, fluturimeve, spitaleve, shkollave dhe shërbimeve të tjera publike, ndërsa dy federatat kryesore sindikale organizojnë një grevë të përgjithshme kundër reformave të paprecedentë të punës.
Herën e fundit që CGTP-ja dhe UGT-ja bashkuan forcat ishte gjatë krizës së borxhit të eurozonës në vitin 2013, kur një “trojkë” institucionesh ndërkombëtare kërkoi ulje të pagave dhe pensioneve si pjesë e paketës së shpëtimit të Portugalisë, shkruan BBC, transmeton IndeksOnline.
Dymbëdhjetë vjet më vonë, ekonomia e Portugalisë është bërë ekonomia me rritjen më të shpejtë në eurozonë në muajt e fundit.
Por, kryeministri Luís Montenegro thotë se është ende e nevojshme të trajtohen “ngurtësitë” në tregun e punës “në mënyrë që kompanitë të jenë më fitimprurëse dhe punëtorët të kenë paga më të mira” si rezultat.
“Nuk do të heq dorë nga të paturit e një vendi me ambicie për të qenë në ballë, për të qenë në pararojë të Evropës”, tha ai në prag të grevës.
Megjithatë, Montenegro duket se është habitur nga forca e ndjenjave kundër planeve të qeverisë së tij të pakicës së qendrës së djathtë: një nga deputetët e tij socialdemokratë është në ekzekutivin e UGT-së dhe madje edhe ai votoi pro grevës.
Kryeministri ndryshoi disa propozime, pasi thirri federatën për bisedime në fund të muajit të kaluar, por kjo nuk ishte e mjaftueshme.
