Kanal Istanbul, projekti i ‘çmendur’ i Turqisë (Foto/Video)

Është qartësuar gjurma e Kanalit të Stambollit (Kanal Istanbul), i njohur ndryshe si projekti i çmendur i Eroganit.
Ministri i Transportit, Detarisë dhe Komunikacionit, Ahmet Arslan mbajti një konferencë për shtyp, ku dha detaje mbi projektin e ndërtimit të Kanalit të Stambollit (Kanal İstanbul), i shpallur për herë të parë nga Presidenti Rexhep Tajip Erdoan në vitin 2011 dhe i njohur në publik si “projekti i çmendur”.
Ministri Ahmet Arslan tha se gjurma ku do të kalojë kanali është e gjatë rreth 45 kilometra. Kanali do të bashkojë Detin e Marmarasë me Detin e Zi.
Në kuadër të projektit për hapjen e Kanalit të Stambollit kanë nisur punimet e sondimin në brigjet e qytezës Kyçykçekmexhe (Küçükçekmece).
Qëllimi i projektit është: të ulë barrën e trafikut të anijeve në Ngushticën e Bosforit; të reduktojë risqet nga anijet që transportojnë lëndë të rrezikshme; krijimin e hapësirave moderne për banim përgjatë itinerarit të kanalit nëpërmjet transformimeve urbane që do të bëhen këtu. Përveç kësaj projekti synon që t’ia forcojë pozicionin Turqisë në aspektin e transportit ujor si dhe ta shndërrojë Stambollin dhe Turqinë në një destinacion më tërheqës.
Lexo edheKjo është arma me të cilën u vra Ivanoviq
Në kuadër të projektit, në Detin Marmara do të krijohen ishuj të vegjël artificialë duke mbushur detin.
Projekti “Kanali i Stambollit” planifikohet të përfundojë në vitin 2023.














