Detaje të reja mësohen nga “SYRI.net” lidhur me dinamikën e ngjarjes dramatike së ndodhur një ditë më parë në Tiranë, ku u ekzekutua gjyqtarja e Shkodrës Fildes Hafizi, nga ish bashkëshorti i saj, tashmë i arrestuar.
Krimi ka ndodhur në zonën e “Xhamllikut”.
Nga kamerat e sigurisë së bizneseve në zonë, duket se viktima hipën në makinën tip “Benz” dhe ishte duke vendosur rripin e sigurimit. Xhami ishte gjysmë i hapur.
Autori, i cili gjendej rreth 10 metra nga pjesa e pasme e makinës, afrohet me shpejtësi dhe e qëllon menjëherë më pistoletë.
Nga pamjet filmike duket se qëllon dy here dhe nuk duket se viktima dhe autori të kenë pasur ndonjë komunikim.
Goditjen e parë e ka qëlluar nga një largësi rreth 20 cm, ndërsa të dytën më afër.
Pas kryerjes së krimit, Fadil Kasemi është larguar në drejtim të rrugës “Bardhyl” me pistoletë në dorë. Ka kërcënuar një drejtues furgoni, duke i vendosur armën në kokë dhe i ka kërkuar që ta nxjerrë jashtë Tirane. Por në këtë kohë ka ndërhyrë një patrullë e policisë, duke i vënë prangat.
