Procesi i numërimit të votave me kusht, atyre me postë dhe të personave me nevoja të veçanta pritet të filloj pas 2-3 ditësh, përderisa rezultatet do të bëhen të ditura brenda ditës që fillon numërimi.
Aktualisht janë të pa numëruar rreth 9,000 vota me kusht, 2, 200 me postë dhe afërsisht 500 vota të personave me nevoja të veçanta, ka bërë të ditur Koordinatori i QNR-së, Burim Ahmtaj.
Ndërkohë Prishtina ka të pa numëruara 1,800 vota me kusht përderisa 1,600 sosh janë në Prizren, të dyja këto komuna me rezultat mjaft të ngushte sipas rezultateve preliminare.
Në Prishtinë Shpend Ahmeti ka 307 vota më shumë se Arban Abrashi përderisa në Prizren Mytaher Haskuka kryeson me 329 vota më shumë se Shaqir Totaj.
Ahmetaj gjithashtu ka bërë të ditur që i gjithë materiali i ndjeshëm është pranuar dhe veçse kanë filluar procedurat para numërimit të votave, njofton Klan Kosova.
