Për nder të ditës botërore të ujit Islamic Relief Kosova ka organizuar kampanjën një javore:“Dhuro Ujë, Shpëto Jetë-Afrika ka nevojë për TY” në përkrahje dhe sponzorim nga kompania e ujit MIROS, në mënyrë që të siguroj donacione për popullin e Afrikës të cilët janë në mungesë ekstreme të ujit të pijshëm. Arsyeja e zgjedhjes së Afrikës për grumbullim e fondeve është sepse thatësia qe ka kapluar shumicën e shteteve në Afrikë është shumë më evidente dhe njerëzit janë duke vdekur çdo ditë si pasojë e saj.
Sipas statistikave të UN 783 milion njerëz në botë nuk kanë qasje në ujë të pijshëm, prej tyre 319 milion jetojnë në Afrikë.
Kampanja “Dhuro ujë shpëto jetë – Afrika ka nevojë për TY” , ka dy aktivitete: Kampanjën nëpër qytetet e Kosovës dhe ecjen në Parkun e Gërmisë si shenjë solidarizimi me popullin e Afrikës.
Andaj ftojme çdo qytetar humanitar që t’i bashkohet kësaj nisme, të dielen në ora 10:00 në parkun e Gërmisë. Pikënisja e ecjes simbolike ështa nga pishina e Gërmisë deri te Villa Gërmia,
Fondet e grumbulluara gjatë kësaj kampanje do të dërgohen në Afrikë për projekte të ujit (hapjen e bunareve etj) përmes zyrës sonë e cila gjindet në Afrikë.
