Drejtoria e Inspeksionit ka ndërmarrë një aksion përgjatë rrugëve “Vëllëzërit Dragaj”, “Mbretëresha Teutë” dhe “Shemsi Ahmeti” në Mitrovicë, me ç’rast kanë bërë largimin e të gjithë shitësve ambulant të cilët operonin jashtëligjshëm duke bërë shitjen e produkteve ushqimore në hapësirat publike, pra në trotuare.
Ky aksion është zhvilluar me asistencë të Policisë së Kosovës, duke ndihmuar në lirimin e trotuareve dhe krijimi i kushteve për qarkullimtë lirë.
Drejtori i Inspeksionit, Hysni Ahmeti, i cili ishte i pranishëm gjatë këtij aksioni theksoi se aksione të këtilla do të vazhdojnë deri në eliminimin e tërësishëm të kësaj dukurie, e cila po e vështirëson qarkullimin e lirë të qytetarëve.
Gjatë këtij aksioni është konfiskuar një sasi e konsiderueshme e mallrave (pemë dhe perime) të cilat ishin të vendosura pa leje në hapësirat publike, përkatësisht trotuareve.
Gjithashtu Drejtoria e Inspeksionit, bënë të ditur se ndaj të gjitha subjekteve të papërgjegjshme, që nuk e respektojnë rendin dhe ligjin, do të iniciohet procedurë të parapara me ligjet në fuqi./Gazeta Blic
