Ilieski padit Ferizajn në FIFA, avokati paralajmëron: Do të raportojmë edhe FFK-në nëse regjistrohen lojtarë të rinj
Lexo edheNusja nga Kosova i jep fund karrierës, Lara Gut-Behrami tërhiqet nga skijimi: Nuk dua të jetoj me dhimbje!
Klubi i Ferizajt ndërkohë, pavarësisht rënies nga Superliga, është riorganizuar dhe ka bërë marrëveshje me disa lojtarë në këtë merkato, por sipas Vermeer, avokatit të Ilieskit, nëse futbollistët e ardhur në këtë merkato paraqiten në duele zyrtare, ata do të raportojnë FFK dhe Ferizajn në FIFA, për shkelje.
“Nëse klubi i fut lojtarët e rinj në një ndeshje zyrtare, ne do ta raportojmë klubin dhe Federatën e Futbollit të Kosovës te FIFA dhe FIFA ka gjasa të vendosë sanksione të reja ndaj tyre”, përfundoi Vermeer.
Në një hulumtim tek faqja zyrtare e FIFA-s tek lista e ndalimeve të Regjistrimit shihet edhe klubi i Ferizajt në listë.
Kjo faqe është një burim për komunitetin e futbollit, duke detajuar klubet në mbarë botën që aktualisht përballen me ndalime regjistrimi të vendosura nga FIFA. Kjo listë përfshin klubet që janë të ndaluara përkohësisht të regjistrojnë lojtarë të rinj për shkak të shkeljeve të ndryshme, të tilla si mosmarrëveshje financiare ose shkelje rregullatore.
Aty shkruan se klubi i Ferizajt momentalisht është i ndaluar për tri merkato që të regjistrojë futbollistë.
Në informacionet e siguruara nga ‘FIFA Registration Ban List’, shihet se Ferizajt iu është bllokuar regjistrimi i futbollistëve nga 1 qershori i këtij viti dhe do të zgjasë për tri perioda (merkato). Megjithatë, vlen të theksohet se ky denim largohet nga FIFA, në momentin që klubi shlyen detyrimet financiare nga Ilieskit në këtë rast.
