Report Tv ka siguruar momentin ku 34-vjeçari i plagosur si pasojë e një atentati me eksplosiv në Vlorë, po merret nga mjekët. I riu mësohet se ka plagë të rënda në gjymtyrët e poshtme të trupit.
Një 34-vjeçari i është bërë një atentat mesditën e kësaj të diele në Lungomare të Vlorës, duke i vendosur tritol pranë makinës. Sipas informacioneve të Report Tv, tritoli ishte i mbuluar me kartonë në mënyrë që mos të dukej, ndërsa si pasojë e shpërthimit ka mbetur rëndë i plagosur Indrit Sadedini, 34 vjeç.
I riu ka marrë plagë të shumta në gjymtyrët e poshtë dhe për pasojë është dërguar me urgjencë drejt spitalit të Traumës në Tiranë për të marrë mjekim më të specializuar.
Shpërthim i fortë ndodhi në lagjen “10 korriku”, duke alarmuar banorët e një zone mjaft të populluar në Vlorë.
