Bujar Osmani, është shqiptari i parë që do t’i prijë diplomacisë maqedonase.
Por, do të jetë edhe njëri nga tre ministrat shqiptarë që njëkohësisht e udhëheqin me ministritë e punëve të jashtme në tri vende të Ballkanit Perëndimor.
Në fjalën e parë të tij, ky u zotua se do angazhohet për fqinjësi të mirë me të gjitha vendet.
Por, nuk ka dyshim se më të mirat do t’i ketë me Shqipërinë dhe Kosovën. Për diçka të tillë është e bindur homologia e tij kosovare.
E shqiptari i tretë që është në këtë detyrë, është kosovari Gent Cakaj që e udhëheq diplomacinë e Shqipërisë.
