I pari i Qeverisë së Kosovës ka vizituar objektin shkollor në të cilin ka qenë nxënës. Ramush Haradinaj këtë vizitë e ka bërë me rastin e shënimit të ditës së Shkollës Fillore dhe të Mesme të Ulët “Maxhun Çekaj” në Irzniq.
Gjatë kësaj ceremonie, ai ka kujtuar kohën kur ka qenë nxënës në këtë shkollë.
“Unë e kam vlerësuar që të marrë një kohë dhe të jem këtu për shkak edhe të banorëve të këtij vendi, të vlerës humane dhe familjare dhe vlerës kombëtare dhe patriotike e kontributit për liri”, ka thënë ai.
Haradinaj, gjithashtu, ka folur edhe për Maxhun Çekajn.
“Kjo shkollë mban një emër të respektuar, origjinal dhe askush nuk mundet me e kundërshtua apo me gjetë ndonjë defekt të emrit të shkollës, Ai ishte njeri i jashtëzakonshëm, një edukator shembull, por u kthy në prind për luftëtarët e rinj, i edukoi, i aftësoi dhe nuk i la vetëm”, ka shtuar ai.
