Kryetari i AAK-së, Ramush Haradinaj, ka reaguar pas shtrenjtimit të çmimit të vajit nga tregtarët në Kosovë për 100% brenda 24 orëve.
Haradinaj e ka pyetur kryeministrin Albin Kurti se a është në tokë të bukës
“Vepro ose lësho rrugë Albin Kurti A je në tokë të bukës o Albin Kurti. Kush është ka ta saboton shtetin?! A po sheh se matrapazët po ta godasin popullin. Një litër vaj brenda natës po të shtrenjtohet gati dyfish!A je edhe ti pjesë e këtij skenari, apo je shndërruar në “komisar për moral”!Zgjohu o Kryeministër e kryje detyrën që ta ka dhënë populli, ose lësho rrugë. A po e sheh se është ka soset durimi”, ka shkruar Haradinaj.
Sot çmimi për një litër vaj në market e Kosovës ka shkuar në 3.49 euro.
Krahasuar me të mërkurën ky çmim është rritur dukshëm.
