Haradinaj në Drenas, i gatshëm të jep 2 milion euro për Feronikelin

Kryeministri i vendit Ramush Haradinaj është shprehur i gatshëm nga ana e Qeverisë për të ndihmuar Komunën e Drenasit, për të zgjidhur situatën e krijuar në kompaninë ”Feronikeli”.

Ai ka thënë gjithçka mund të bëjë për daljen nga kriza të kësaj kompanie, është ajo që gjendet brenda suazave që e lejon ligji, njofton Klan Kosova.

Haradinaj në takimin e tij në Drenas me Sindikalistët e ”Feronikelit” bëri të ditur se bëhet fjalë për rreth 2 milionë euro që i duhen kësaj kompanie për ta tejkaluar gjendjen në të cilën po përballet.