Partia Demokratike e Kosovës e ka përmbyllur angazhimin e vet sa i përket zgjedhjes së presidentit.
Kjo u bë e ditur sot nga kryetari Bedri Hamza.
Hamza në Rubikon në Klan Kosova ngriti shqetësimin se nëse nuk shkohet në zgjedhje brenda afatit kushtetues, mund të futemi në anarki.
“Në qoftë se zgjedhjet nuk organizohen në përputhje me vendimin e Gjykatës Kushtetuese. Unë nuk po i referohna datës, po i referohem vendimit të Gjykatës Kushtetuese, ku t’i bie data brenda atij vendimi për neve është e pranueshme”, u shpreh ai në KlanKosova.
“Mirëpo, ne duhet të jemi të përgjegjshëm dhe të disiplinuar në respektimin e vendimeve të Gjykatës Kushtetuese. Nganjëherë munden mos me na pëlqy, nganjëherë mundemi t’i komentojmë, por duhet t’i zbatojmë”, theksoi Hamza.
Bazuar në afatin e Kushtetueses, Kosova duhet ta ketë presidentin e ri deri më datë 28 prill, në të kundërten duhet të shkohet në zgjedhje të reja të parakohshme.
Në rast se shkohet në zgjedhje, data kur më së largu mund të mbahet ky proces është 7 qershori.
