Komisioneri i Bashkimit Evropian për Politikën e Fqinjësisë dhe Negociatat e Zgjerimit, Johannes Hahn, sot do të qëndroj për vizitë në Maqedoni për të diskutuar planet e Qeverisë së re për reforma, ndërkohë që pritet të ripërsërisē mbështetjen e Bashkimit Evropian në këtë drejtim, raporton Anadolu Agency (AA).
Sipas agjendës së paralajmëruar, Han pritet të takohet me kryeministrin Zoran Zaev.
Pas takimit më Zaevin, eurokomesari bashkë me delegacionin e tij do të takohet edhe me një delegacion të Qeverisë të cilit do t’i prijë kryeministri Zoran Zaev në përbërjen e të cilit do të jenë zëvendëskryeministrja dhe ministre e Mbrojtjes, Radmila Shekerinska, zëvendëskryeministri për Integrime Europiane, Bujar Osmani dhe ministri i Jashtëm, Nikolla Dimitrov.
Pas mbajtjes së këtij takimi do të mbahet seanca tematike e Qeverisë së Republikës së Maqedonisë e cila do ti kushtohet prioriteteve për reforma urgjente për integrimin euro-atlantik, e cila do të ndiqet nga afër nga komisioneri Hahn.
Pas përfundimit të seancës tematike të Qeverisë, është paraparë një konferencë për shtyp e kryeministrit Zaev dhe komisionerit Hahn.
