Në prag të derbit britanik, trajneri i Manchester City-t, Pep Guardiola nuk ka kursyer fjalët e mira për të gjithë kundërshtarët e tij.
Në një deklaratë për mediat,Guardiola ka konfirmuar se do të pranojë me kënaqësi nëse do të ketë ndonjë ftesë nga Mourinho për të konsumuar ndonjë gotë verë, shkruan “The Sun”.
“Si trajner unë kam shumë respekt për Mourinhon si me të gjithë të tjerët. Nëse Mourinho më fton për një gotë verë pas ndeshjes unë do ta pranoj me kënaqësi. Ajo që ndodh në fushën e lojës mbetet aty në jetën normale nuk ka rivalitet”, u shpreh Guardiola.
Kujtojmë që marrëdhëniet mes Guardiolës dhe Mourinhos prej vitesh nuk kanë qenë të mira pasi të dy kanë replikuar njëri-tjetrin në distancë.
Nesër në orën 13:30 në ‘Old Trafford’ Manchester United do të presë skuadrën e Manchester City-t.
