Gruaja e policit hero Izet Demaj merr medaljen për mburojë të policisë

Medalja për mburojë të policisë i është dhënë sot familjes së policit hero, Izet Demaj, raporton IndeksOnline.

Drejtori i Përgjithshëm i Policisë së Kosovës, Rashit Qalaj në ceremoninë e fundvitit ka ndarë medalje, lëvdata, shpërblime e mirënjohje për zyrtarët policor.

Medalja për mburojë të policisë e cila është e veçantë i është ndarë këtë vit bashkëshortes së Izet Demajt, Ardita Demajt.

Polici Izet Demaj nga Istogu, i cili ka humbur jetën vitin e kaluar në përleshje me një grabitës të një banke në Istog, ishte shpallur “Hero i Kosovës” nga presidenti Hashim Thaçi.